Një person ka humbur jetën në Durrës pasi ka rënë me kontakt me energjinë elektrike në një kabinë elektrike. Viktima është ende i paidentifikuar.
“Rreth orës 15:10, një shtetas i paidentifikuar ka rënë në kontakt me rrymën elektrike tek një kabinë elektrike në lagjen 11 dhe për pasojë ka gjetur vdekjen”, njoftoi policia.
Grupi hetimor ndodhet në vendngjarje dhe po punon për identifikimin e personit dhe sqarimin e rrethanave të ngjarjes, shtuan të njëjtat burime.
