Nis verifikimi i firmave të delegatëve të Kuvendit Kombëtar të PD, që mbështesin mbledhjen më 11 dhjetor. Nga burime zyrtare mësohet se deputeti Agron Shehaj sot do të nisë verifikimin e firmave të delegatëve të njësisë nr 5 në Tiranë, atje ku është edhe drejtues politik i PD-së.
Mësohet se Shehaj rreth orës 15:00 do të jetë në zyrën e Kreut të Këshillit Kombëtar, Edi Paloka, ku do të njihet me materialet dhe verifikimin e firmave të delegatëve të njësisë që drejton si drejtues politik.
Shehaj, i cili garoi përballë Lulzim Bashës për postin e kreut të PD, në zgjedhjet e fundit në Partinë Demokratike, ka mbajtur një pozicion neutral në debatet e krijuara mes ish-Kryeinistrit Sali Berisha dhe kreut demokrat, Basha.
Shehaj nuk i është bashkuar Foltores së ish-Kryeministrit, por as ka mbështetur qëndrimet e Bashës dhe drejtuesve të tjerë në PD.
