Tre persona janë plagosur si rezultat i një aksidenti që ka ndodhur pasditen e sotme në aksin rrugor Elbasan-Peqin.
Mësohet se shtetasi Y. G., duke drejtuar automjetin tip ‘Benz’ është përplasur me automjetin tip ‘Volkswagen’ me drejtues shtetasin A. J. Për pasojë janë plagosur dy shoferët dhe një pasagjere.
Mësohet se të plagosurit ndodhen në spital ku po marrin ndihmë mjekësore.
Njoftimi i Policisë së Elbasanit:
Rreth orës 15:00, në aksin rrugor Elbasan-Peqin, shtetasi Y. G., duke drejtuar automjetin tip ‘Benz’ është përplasur me automjetin tip ‘Volkswagen’ me drejtues shtetasin A. J.
Si pasojë janë lënduar drejtuesit e mjeteve dhe pasagjerja, shtetasja H. G., të cilët po marrin ndihmë mjekësore në spital dhe ndodhen jashtë rrezikut për jetën. Grupi hetimor po punon për zbardhjen e shkaqeve të aksidentit.
