VIDEO/ Meta: Basha mu ul në gjunjë dhe me lot në sy më kërkoi anulimin e zgjedhjeve lokale

Presidenti Ilir Meta përmes një konference për mediat iu përgjigj akuzave të kreut demokrat, Lulzim Basha. Meta tha se gjatë vizitës zyrtare që ka zhvilluar në Gjermani në datat 6, 7 dhe 8 Qershor 2019, atje ka shkuar edhe Lulzim Basha, i cili sipas Presidentit, iu lut kreut të shtetit, me lot në sy që të anulonte zgjedhjet lokale të 30 qershorit.

Meta tha se Basha më është ulur në gjunjë dhe më kërkoi anullimin e zgjedhjeve me një dekret, pasi nuk do të mund të kontrollonte më popullin opozitar.

LEXO EDHE  Këto shenja duhet të bëjnë kujdes! Horoskopi i ditës së enjte

Presidenti tha se pasi ka ardhur në Shqipëri, me datën 8 qershor, dhe pasi u njoh me situatën politike në vend, vendosi nxjerrjen e dekretit për anulimin e mbajtjes së zgjedhjeve më 30 qershor.

“Kjo ishte një rrugë jo vetëm për të çtensionuar situatën, por edhe për të nxjerrë Lulzim Bashën nga udhëkryqi që kishte futur opozitën. Lulzim Basha ishte i trembur nga populli opozitar dhe për mua dekreti për anulimin e zgjedhjeve nuk ishte i lehtë, aq më tepër kur nuk isha konsultuar me Kryetarin e Kuvendit dhe Kryeministrin”, tha Meta.