Superliga/ Kukësi i shkakton humbjen e parë Tiranës kryesuese

Kukësi ndal vrullin e Tiranës. Skuadra verilindore arrin të marrë 3 pikë me zemër në “Loro Boriçi” duke mbyllyr fazën e parë të Superiores me shumë emocione dhe duke e bërë garën edhe më të bukur.

Sfida ishte shumë e bukur dhe emocionuese dhe që në pjesën e parë të dyja skuadrat nisën të rrezikonin teksa krijuan disa raste.

Seferi dhe Ndreca ishin ishin më të rrezikshmit dhe iu afruan portën por pjesa e parë nuk pati gola për t’ia lënë vendin emocioneve të mëdha në të dytën.

Që në 49’, Kukësi shënon një gol të bukur Milunoviç që në fakt pati nevojë për konfirmimin me VAR.

LEXO EDHE  Superiorja/ Laçi fundos Dinamon me "manita", Shkëmbi në telashe

Tirana rrit presionin për të gjetur portën me Seferin dhe Ngoo shumë të rrezikshëm por goli vjen me penallti në 80’ teksa pikërisht sulmuesi i Tiranës e ekzekuton saktësisht. 1-1 dhe sfida nuk mbaron këtu pasi bardheblutë kanë 2 mundësi shënimi që nuk i konkretizojnë por nuk fal Kukësi që në 89’ me një aksion të bukur, kroati Basa realizon një kryevepër për t’i dhënë avantazhin dhe fitoren skuadrës së Longos.

2-1 mbyllet sfida me Kukësin tashmë që rihap lojën për titull dhe është vetëm 3 pikë larg Tiranës kryesuese.