Presidenti bullgaro- Rumen Radev fiton edhe një mandat pesë-vjeçar

Rumen Radev

Sipas rezultateve zyrtare preliminare, 58-vjeçari Radev mori 66 për qind të votave ndërsa Gerdzhikov, rektor i Universitetit të Sofjes, fitoi 32 për qind.

Radev kandidoi me premtimin për luftimin e korrupsionit në vendin anëtar të Bashkimit Evropian.

Ai nuk fitoi një shumicë në votimin e rundit të parë të fundjavës së kaluar, duke marrë 49 për qind krahasuar me 23 përqind për Gerdzhikov.

Hulumtimet thanë se pjesëmarrja e votuesve në balotazh ishte më pak se 40 për qind, një nivel i ulët, por jo diçka që do të ndikonte në vlefshmërinë e rezultatit.

LEXO EDHE  Kërcet arma në kryeqytet/ Qytetari para policëve: Kam aheng familjar

Presidenca e Bullgarisë ka rol kryesisht ceremonial, por Radev e ka transformuar rolin dhe ka qenë aktiv në luftën kundër korrupsionit.

Bullgarët votuan më 14 nëntor edhe për zgjedhjen e parlamentit të ri. Ky proces zgjedhor është vlerësuar shumë i rëndësishëm pasi vendi anëtar i Bashkimit Evropian është i përfshirë në një krizë politike disamujore.

Bazuar në rezultatet e zgjedhjeve parlamentare partia e re kundër korrupsionit “Ne Vazhdojmë Ndryshimin” doli e para, e pasuar nga partia e qendrës së djathtë GERB e ish-kryeministrit, Bojko Borisov.

Bullgaria vlerësohet të jetë rrënuar nga korrupsioni që nga përmbysja e komunizmit më shumë se tre dekada më parë.

Vazhdimisht ky vend kritikohet për korrupsion dhe liri të medias.

/REL/