E trishtë/ Ndahet nga jeta profesori dhe studiuesi i njohur shqiptar

Studiuesi dhe profesori i njohur shqiptar, Aleks Luarasi është ndarë nga jeta këtë të hënë.

Lajmi bëhet i ditur në një postim në Facebook nga Akademia e Shkencave.

Prof. dr. Aleks Luarasi nga viti 1972 – 2002 ka punuar për 30 vjet në Fakultetin e Drejtësisë të UT si pedagog i lëndëve Filozofia e së drejtës dhe Historia e shtetit dhe e së drejtës në Shqipëri. Gjatë kësaj periudhe ka qenë përgjegjës departamenti dhe Zv/Dekan i Fakultetit të Drejtësisë.

Ai është autor i monografive “Shteti dhe e drejta shqiptare në epokën e Skënderbeut” (1998); “Studime për të drejtën zakonore shqiptare – Marrëdhëniet familjare” (2001); autor i teksteve universitare “Akte juridike për historinë e shtetit dhe të së drejtës në Shqipëri (2014), “Historia e shtetit dhe e së drejtës në Shqipëri” (2018), si dhe i një vargu artikujsh dhe referatesh.

LEXO EDHE  Berisha cakton datën, ja kur do të mbahet Foltorja me shqiptarët e SHBA

Në vitin 2018 u dekorua me titullin “Mjeshtër i Madh” nga Presidenti i Republikës, me motivacionin “Pionier i Arsimit”, për kontributin e tij në formimin dhe konsolidimin e sistemit modern universitar në vendin tonë.