Një 28-vjeçar shqiptar raportohet se ka humbur jetën aksidentalisht në Brindisi (Itali). Ngjarja raportohet se ka ndodhur të dielën, ku 28-vjeçari humbi jetën, pasi ka rënë nga maja e një monumenti në këtë qytet.
Sipas raportimeve, 28-vjeçari ra nga Monumento di Marinaio, një simbol për qytetin e Brindisi-t.
Mediat italiane shkruajnë se një tragjedi e vërtetë që ndodhi rreth orës 11:30 të së dielës dhe që u dëshmua nga shumë persona, madje edhe fëmijë.
Një ambulancë mbërriti menjëherë në vendin e ngjarjes, por i riu shqiptar kishte ndërruar menjëherë jetë. Policia po mundohet që të hedhë dritë në lidhje me këtë ngjarje tragjike.
Deri më tani janë të paqarta shkaqet e vdekjes dhe dinamika se çfarë ndodhi. Po ashtu nuk dihet nëse i riu ka kryer vetëvrasje apo ka rënë aksidentalisht.
Një ngjarje e ngjashme tragjike ka ndodhur edhe një herë tjetër disa vite më parë në të njëjtin vend.
