Rama paralajmëron gjoba për qytetarët, për hedhjen e plehrave në rrugë

Kryeministri Edi Rama paralajmëroi se qytetarët se do të gjobiten në rast se ndotin mjedisin duke hedhur plehra.

“Atyre që në vend ta fillojnë nga vetja, sesa shumë e kanë ndotur duke hedhur plehrat, e fillojnë me formulën ‘vini gjoba’, ose ‘s’ka kosha’. Plehrat në rrugët kombëtare nuk kanë lidhje me koshat, sepse nuk ka kosha në rrugë kombëtare të asnjë vendi. Plehrat në rrugët kombëtare janë akte papërgjegjshmëria të mijëra njerëzve që hapin dritaren e makinës dhe i hedhin. Të adresojmë edhe atë që qytetarët e kërkojnë me ngulm, gjobat. Në fund të ditës kjo nuk funksionon në rast se Policia e Shtetit nuk përfshin krimin mjedisor si pjesë të punës së përditshme”, tha Rama, gjatë një takim me kryetarët e bashkive dhe prefektët e qyteteve bregdetare për pastrimin e territorit.

Kreu i qeverisë u shpreh se nuk do të miratohet asnjë buxhet bashkie nëse nuk do të ketë një fond të caktuar për menaxhimin e mbetjeve.

LEXO EDHE  “Alarm i kuq për Omicron”, mjeku shqiptar në Gjermani: Shqipëria të marrë masa

Rama tha se “ka bashki që autorizojnë biznese për të derdhur inertet në pika të paligjshme. Janë disa bashki që nga Malësia e Madhe edhe në Elbasan, e deri në Himarë e Sarandë që mbyllin sytë përballë situata të tillave”.

“Që kur nisi aksioni i pastrimit që prej 30 ditësh vazhdon atje në pyllin e Sodës. Që nga ajo ditë vazhdon dhe s’ka mbaruar akoma plehrat atje. Përse ndodh kjo? Sepse për 30 vite nuk është pastruar. Sa më shumë të futesh në atë pyll aq më shumë plehra gjen. Që do të thotë se edhe kur kanë shkuar gjoja për ta pastruar, i kanë shtyrë plehrat edhe më tej. Për këtë të gjithë kanë kusuret e tyre. Por kusurin më të madh e kanë këtu individët që e bëjnë të pamundur pastërtinë”, u shpreh ai.