Gjykata e Korçës ka lënë në burg autorin e dyshuar të vrasjes së 25-vjeçarit Fridman Xhaferrajn. Në seancën e zhvilluar ditën e sotme, është lënë në burg Kristi Bixheku deri në përfundim të hetimeve nga prokuroria.
Ngjarja e rëndë ka ndodhur në 13 qershor të këtij vit. Për vrasjen e Fridman Xhaferrajt është ende në kërkim dhe Lulzim Spahia si bashkëpunëtor.
Fridman Xhaferraj u gjet i pajetë nga banorë të fshatit Gjanç në rezervuar, i lidhur me litar në gjymtyrë, dhe me një plagë në kokë të shkaktuar nga goditja me mjet prerës. Policia identifikoi si autorë të dyshuar dy shtetasit Kristi Bixheku dhe Lulzim Spahija i cili vijon të jetë në kërkim prej 5 muajsh.
Sipas prokurorisë vrasja dyshohet të ketë ndodhur për prishje të pazareve të drogës mes viktimës dhe autorëve, të tre me preçedentë penalë në fushën e narkotikëve.
Lexo edhe:
VIDEO/ Vrasja e Fridman Xhaferrajt, arrestohet njëri nga autorët
