VIDEO/ Vrasja e Fridman Xhaferrajt, arrestohet njëri nga autorët

Një prej autorëve të dyshuar të vrasjes së 25-vjeçarit Fridman Xhaferraj, ngjarje e ndodhur rreth 5 muaj më parë, është arrestuar.

Kristi Bixheku, 26 vjeç, banues në Lushnjë, u arrestua, njoftoi policia këtë të Mërkurë.

Gjykata e Rrethit Gjyqësor Korçë me vendimin e datës 18.06.2021, ka caktuar për të masën e sigurisë “Arrest në burg” për veprën penale “Vrasja me paramendim”, kryer në bashkëpunim.

LEXO EDHE  Reshjet e borës/ ARRSH: Akset rrugore nacionale të hapura, qarkullimi pa probleme
Fridman Xhaferraj

Sipas hetimeve, Bixheku në bashkëpunim me të shpallur në kërkim, 25-vjeçarin Lulzim Spahija,  e kanë goditur me sende të forta në kokë Xhaferrajn duke i shkaktuar vdekjen e më pas e kanë hedhur në rezervuar. Ky i fundit u gjet i pajetë më 13 qershor të këtij viti në rezervuarin e Gjançit nga një banor i zonës.