Rikthimi i dënimit me vdekje, Lindita Nikolla kundër: Jo vendimi i duhur

Kryetarja e Parlamentit Lindita Nikolla u shpreh kundër rikthimit të dënimit me vdekje.

Nikolla iu bashkua protestës-marshim të kësaj të Premteje në kryeqytet, për mbrojtjen e fëmijëve. E pyetur nga gazetarët për nismën e familjarëve të 8-vjeçarit Mateo Vasia, të cilët po mbledhin firma për të rikthyer dënimin me vdekje, Nikolla tha se kthimi pas në një vendim të tillë nuk është gjëja e duhur.

LEXO EDHE  Ceremonia e sikletshme në Vlorë, Rama shpërfill Lelin. Meta shmang çdo kontakt

“Jam në dijeni, këta janë momente të forta emocionale, patjetër Shqipëria është pjesë e BE, dhe sinqerisht unë nuk mendoj që ky dënim dhe kthimi pas në këtë vendim do të jetë gjëja e duhur. Ka shumë momentet të tjera, por janë vendimmarrje që nuk duhen marrë në emocione të forta”, deklaroi Nikolla.