Greqia forcon masat ndaj të pavaksinuarve, nuk hyn më në punë testi negativ

“Kthejini shpinën frikës dhe çdo sharlatani që për t’u bërë i rëndësishëm, tregton injorancën. Vaksinohuni!”

Me këtë fjali iu drejtua mbrëmë popullit të tij kryeministri grek, Kyriakos Mitsotakis, teksa shpalli 5 masa shtesë në luftën kundër pandemisë.

Duke nisur nga e hëna, asnjë qytetar i pavaksinuar nuk do të mund të hyjë në ambiente të mbyllura shërbimesh përjashto hotelerinë.

Nuk do të pranohet as testi negativ.

LEXO EDHE  Ushtronin aktivitetin e lojërave të fatit, Policia e Beratit kap 4 persona

Certifikata e vaksinimit për moshat mbi 60 vjeç përfundon pas 7 muajve dhe pastaj duhet të marrin dozën përforcuese.

Orët e punës do të zgjerohen në sektorët publikë dhe privatë për të shmangur mbipopullimin.

Së katërti, inspektimet do të shtohen për respektimin e masave dhe pika e fundit është zgjerimi i flotës së mjekëve për t’u përballur me situatën.