E rëndë/ Tentohet t’i vihet flaka xhamisë

Policia gjermane ka bërë të ditur se një person i paidentifikuar ka tentuar t’i vë flakën një xhamie në qytetin perëndimor Këln.

Në njoftimin e policisë thuhet se personeli i sigurisë ka zbuluar të dyshuarin në orët e para të ditës jashtë Xhamisë Qendrore të qytetit, përderisa ai po derdhte një lëng.

Pasi u zbulua, i dyshuari u largua në këmbë dhe la pas vetes biçikletën e tij me një bidon me bënzinë dhe disa çakmakë.

Policia bëri apel për dëshmitarë dhe tha se incizimet e kamerave të sigurisë do të rishikohen për të identifikuar të dyshuarin.