“Drejtor kthehu në zyrë mblidh vartësit”, Balluku e nis me shpatë reformën në Ujësjellësa

Ministrja e Infrastrukturës dhe Energjisë, Belinda Balluku, gjatë pasdites së sotme ka diskutuar me Kryebashkiakët e Qarkut të Elbasanit, lidhur me reformën që do të ndërmarrim në sektorin e ujit. Balluku është treguar e ashpër ndaj drejtuesve të Ujësjellësave në Bashkitë e Qarkut, ku për njërin tha se po bën deklarime të rreme, ndërsa pvr tjetrin u shpreh se po bëhet bamirës, me mos pagesat e faturave të ujit.

“Peqini në 2018-20 deklaronte 60.5% ndërkohë që sot ka arritur në 70.73%, pra ka një rritje të ujit të papaguar në 10%. Peqini si duket ka vendosur të bëhet bamirës dhe ka ngritur shifrën e ujit të papaguar apo humbjeve teknike.

Në Belsh kemi një problem shumë serioz, që duhet ta diskutojmë. Të gjitha deklarimet janë të rreme, sepse ju keni deklaruar që humbja juaj në 2018-20 ishte 16.5% dhe tani e keni shtuar pak e keni bërë 20%.

Kjo nuk ka shans të ndodhë, pasi nëse rrjeti është përfundimisht i ndërtuar rishtazi humbjet teknike duhet të jenë rreth 20%. Ju në 2018 para investimeve keni deklaruar 16% humbje, të njëjtat deklarata janë në të gjitha tabelat. Pra deklaratat tuaja nuk e vë në dyshim që nuk keni mendim të pasëm për të bërë këtë lloj deklarate.

LEXO EDHE  Mori tender me vlerë 2 milionë euro, arrestohet biznesmeni shqiptar

Ju bën thirrje, do të merret edhe drejtori i AKUM-it, ju bëj thirrje që duhet të bëheni serioz, drejtor ktheu në zyrë, duhet të thërrasësh vartësit dhe të ulesh dhe të bësh deklarata të vërteta. Sikur të kishit 20% humbje do të ishit model, por nuk keni. Jeni duke gabuar me disa herë, këtë problem do ta ndreqni sot, që është e premte.

Që ne të bëjmë reformën na duhet të kemi shifra të përafërta. E di që nuk matni as burimin as depon, por sikur e bëjnë të tjerët do ta bëni edhe ju dhe nuk do të vini më me këto shifra qesharake. Nuk po ju gjykoj apo akuzoj, por nuk keni bërë punën si duhet”, tha Balluku.