Meridian Ramçaj është një nga banorët më të spikatur të “Big Brother Albania” të edicionit të 7-të. Gjatë këtyre viteve Meridiani është angazhuar në politikë dhe së fundmi e kemi parë shpeshherë si opinionist në “Për’puthen”.
Ndërkohë, Meridiani ka qenë një nga personazhet e përfolur se do bëhej pjesë e “Big Brother VIP” para se reality-show të niste. Deri tani ai nuk është bërë pjesë e tij, por së fundmi ka ngritur sërish dyshime se do bëhet pjesë e shtëpisë më të famshme në Shqipëri.
Detaji që ka ngritur dyshimet për pjesëmarrjen e tij është një postim në “Instastory” ku ka fotografuar një televizor dhe krahas saj shkruan: “1,2,3…Prova”. Televizori në foton e postuar është i vjetër, ashtu si televizori që ndodhet në dhomën e dënimeve në shtëpinë “Big Brother”.
