A do të kenë prokurorët e SPAK mandat të pakufizuar? Ja çfarë thotë Manja

Ministri i Drejtësisë Ulsi Manja u pyet sot lidhur me kërkesën e prokurorëve të SPAK, të cilët kanë kërkuar një mandat të pakufizuar kohor në detyrat e tyre.

Manja tha se po shqyrtohej një mundësi e tillë dhe se po bëheshin diskutime të posaçme por theskoi se nëse dicka e tillë do ndodhte, duhet të ndryshohej kushtetuta.

Ka një kërkesë nga SPAK për mandat të përjetshëm, cfarë mendoni?

LEXO EDHE  Aksidenti në Krujë, plagoset punonjësi i policisë

Po është e vërtetë kjo kërkesë, ata kanë kërkuar që mandati i tyre të shtyhet e të jetë më I gjatë I pakufizuar. Ne jemi në diskutime, por në bindjen time, kjo gjë është e përcaktuar në Kushtetutë dhe nëse do merrej një vendim i tillë, duhet të ndërhyhet në kushtetutë. Megjithatë kjo është cështje që pret dhe jemi të hapur për diskutime.