Çalamani u la në qeli, e ëma e Mateos: Do qetësohem kur të varet në mes të Fierit

Çalamani u la në qeli, e ëma e Mateos: Do qetësohem kur të varet në mes të Fierit

“Do qetësohem kur të varet në mes të Fierit”. Këto ishin fjalët e para të së ëmës së Mateo Vasiut, pasi mësoi se gjykata caktoi masën e sigurisë arrest me burg për Klodian Çalamanin.

“Duam ta varin ta djegim, më mori një foshnjë, një 8-vjeçar. Ma ndahu nga shokët e shoqet. Ma hoqi nga shkolla. Ma gënjeu ma mashtroi… I tha: ‘Mateo më bli një bukë’. Ia çoi. I tha ‘do iki te shpia se kam vëllain sëmur’, por si i kërkoi të futej brenda ja futi me lopatë dhe e la të vdekur. Ma groposi, i hodhi dhe nga lart dhe sikur nuk ndodhi gjë. Kur shkoi në polici tha se: do e gjeni më duket copa-copa. Unë dua ta djegim tani në mes të Fierit të jem e ngopur dhe t’i them çunit që ‘e mora hakun’. Unë do rri këtu, nuk iki unë si nënë”, tha ajo jashtë ambienteve të Gjykatës së Fierit, që caktoi sot arrest me burg në mungesë për Klodian Çalamanin, autorin e vrasjes së 8-vjeçarit.

LEXO EDHE  KPA shtyn seancën ndaj Luan Dacit

Masa u dha në mungesë të prezencës së autorit në gjykatë, pas situatës së tensionuar para institucionit.

Familjarë e të afërm të viktimës kanë nisur të mbledhin firma për një peticion, ku kërkojnë dënim me vdekje për autorin e ngjarjes, edhe pse legjislacioni shqiptar nuk e aplikon dënimin kapital.

Lexo edhe:

Caktohet “arrest me burg” për Çalamanin, autori nuk paraqitet në gjykatë