Arrestohen 2 farmacistë në Tiranë për ilaçe kontrabandë

Dy farmacistë janë arrestuar në Tiranë gjatë aksionit të policisë të koduar “Covid Time” kundër kontrabandës së ilaçeve. Të arrestuarit janë J. D. 42 vjeç dhe J. P. 26 vjeçe.

Policia njoftoi se strukturat për Hetimin e Krimeve Ekonomike dhe Financiare në DVP Tiranë, në bazë të informacioneve të siguruara në rrugë operative se disa shtetas po transportonin medikamente mjekësore, pa dokumentacionin përkatës, kanë organizuar  operacionin policor të koduar “Covid Time”. Në kuadër të këtij operacioni u arrestuan në flagrancë për veprat penale “Tregtimi dhe transportimi i mallrave kontrabandë’’, ‘’Prodhimi dhe tregtimi i barnave dhe pajisjeve mjekësore të falsifikuara ose të rrezikshme për shëndetin’’, “Fshehja e të ardhurave” dhe “Shkelja e të drejtave të pronësisë industriale’’, shtetasit: J. D., 42 vjeç dhe J. P., 26 vjeçe, të dy me profesionin farmacist.

LEXO EDHE  FOTO/ Me armë në “Benz”, arrestohet durrsaku në Morinë

Shërbimet e Policisë kanë ndaluar në bulevardin “Zhan D’Ark”, automjetin në të cilin ndodheshin këta dy shtetas. Gjatë kontrollit të ushtruar në këtë mjet janë gjetur dhe sekuestruar në cilësinë e provës materiale një sasi medikamentesh të ndryshme mjekësore pa pullë fiskale, të dyshuara kontrabandë.