Italia në “Play-off”, Mancini tregon kombëtaren që dëshiron të shmangë

Foto: Football-italia.net

Roberto Mancini ka folur pas ndeshjes që Italia barazoi kundër Irlandës së Veriut. Kampionët e Europës ia dorëzuan vendin e parë Zvicrës, ndërkohë që tekniku ka folur edhe për rivalin që nuk do e donte në play-off.

“Ne menduam se ishim të kualifikuar për në Kupën e Botës, por duhet të jemi në gjendje të pranojmë verdiktin e fushës edhe kur ai është negativ.

Ne ende i kemi mundësitë dhe do të luajmë të kualifikohemi. Nëse do të kishte një moment negativ, më mirë tani sesa në mars ose më vonë në Kupën e Botës.

LEXO EDHE  “Pusho!" Allegri kapet keq me Alvaro Morata pas zëvendësimit, ja motivi

Megjithatë, nëse arrijmë në mars dhe jemi pa lëndime, ne mund të përballemi me këdo. Nëse do mund të hiqja një ekip për mos u përballur, do të thosha Portugalinë”, është shprehur Mancini.