Gjuha e përdorur nga Edi Rama dje në Kuvend është bërë shkak për revoltën e deputetëve të opozitës gjatë ditës së sotme.
“Ajo që ka ndodhur dje ka qenë kulmi, është e papranueshme, është joetike, dhe nuk pati këtu asnjë vërejtje nga zoti Balla apo nga zonja Bushka, të jenë më korrekt me të djeshmen. Sjelljen e kryeministrit do ta depozitoj në sekretariat, nëse ndiheni dhe zgërlaqeni para tij, ne nuk do ta lejojmë këtë sjellje, as ndaj kryetarit tuaj dhe as ndaj kryetarit tonë”, u shpreh Flutura Açka, në vazhdën e debateve mes deputetëve për zbatimin e etikës.
