“Nuk jam Edi Paloka unë”, Rama replika me Bardhin

Kryeministri Edi Rama ka replikuar gjatë seancës në Kuvend edhe me Sekretarin e Përgjithshëm të PD, Gazment Bardhi.

Ndërsa Rama po fliste, Bardhi ka ndërhyrë pa mikrofon nga vendi ku ulet zakonisht, në krah të kreut demokrat Lulzim Basha.

“Ju u nisni rrugët me një buxhet dhe pastaj, bëhet një buxhet i dytë, pastaj një i tretë, e kështu me radhë. Merrni shembullin e rrugës Tiranë-Elbasan. Keni bërë një llum në të gjithë Shqipërinë”, tha Rama duke shkaktuar reagimin e Gazment Bardhit nga vendi, i cili tha se kishte qenë qeveria Rama ajo që ndryshoi buxhetin disa herë për rrugën Tiranë-Elbasan.

LEXO EDHE  Aksident në Vlorë, furgoni përplas dy të miturit 

Rama i është kundërpërgjigjur, duke i kujtuar firmat e demokratëve, për mbledhjen e Kuvendit të PD.

“Nuk jam Edi Paloka, mos më ndërprit”, i është drejtuar Rama-Bardhit, duke risjellë kështu në vëmendje, reagimet e tij të ditëve të fundit përballë Palokës.