Me 6 klandestinë në makinë nuk i ndalon policisë, arrestohet pas ndjekjes 39-vjeçari

Një 39-vjeçar u arrestua nga policia e Korçës për veprat penale “Ndihma për kalim të paligjshëm të kufijve”, kryer në bashkëpunim dhe “Mosbindja ndaj urdhrit të punonjësit të policisë së rendit publik”,

Në pranga u vu Fatjon Muçaj, 39 vjeç, banues në Korçë, me precedent të mëparshëm penal për dhënie ndihmë për kalim të paligjshëm të kufijve.

“Pranë kryqëzimit të fshatit Kapshticë, Devoll, Fatjon Muçaj është konstatuar duke lëvizur me mjetin tip ‘Opel’ dhe nuk i është bindur urdhrit të punonjësve të policisë rrugore për të ndaluar, por është larguar me shpejtësi”, njoftoi policia këtë të Diel.

LEXO EDHE  Bie nga shkallët e restorantit ku po punonte, plagoset 40-vjeçari në Tiranë

Të njëjtat burime shtuan se “uniformat blu janë vënë në ndjekje të mjetit dhe bënë të mundur ndalimin në fshatin Kurilë, Devoll dhe neutralizimin e 39-vjeçarit, i cili po transportonte 6 emigrantë të paligjshëm, që kundrejt shpërblimit iu kishte premtuar kalimin drejt vendeve të BE-së”.