Hamilton tregon pse është kampioni, “leksion” Verstappen dhe hap garën për titull

Foto: Racingnews365.com

Lewis Hamilton me Mercedes fitoi sot në mbrëmje garën e Çmimit të Madh të Brazilit të Formula 1, garë e zhvilluar në pistën e Interlagos. Sukses i jashtëzakonshëm i pilotit britanik, që kaloi një fundjavë shumë të vështirë, pas penaliteteve të shumta që mori.

Edhe pse e nisi garën e sotme nga vendi i dhjetë, ai arriti të triumfojë, duke parakaluar 12 xhiro nga fundi rivalin e tij kryesor për titull, Max Verstappen me Red Bull, sot i dyti. Ndërsa i treti u klasifikua Valtteri Bottas me makinën tjetër Mercedes (i katërti Sergio Perez me makinën tjetër Red Bull).

LEXO EDHE  Superiorja/ Nga kartonat tek golashënuesit, ja statistikat e javës së 10

Hamilton tregoi se është më i fortë se penalitetet e marra (dy të tilla këtë fundjavë), ku garën “sprint” të ditës së shtunë e nisi nga vendi i fundit dhe atë të sotme nga vendi i dhjetë. Gara e sotme ishte e jashtëzakonshme dhe spektakolare, ku pilotët e skuadrat u përpoqën të modifikojnë strategjitë.

Pas këtij triumfi, Hamilton e ngushton në 14 pikë diferencën me Verstappen, kur duhen edhe 3 gara nga fundi.