Vrasja në Astir, kontrolle në të gjitha akset, kërkohen autorët

Policia e Elbasanit ngre pikë kontrolli në dalje të autostradës Tiranë -Elbasan te zona e quajtur rrethrrotullimi i Shijonit.

Po ndalohen dhe kontrollohen persona të dyshimtë që mund të kenë dorë në vrasjen e ndodhur në kryeqytet.

Erigers Mihasi, 32 vjeç e Armando Dumani, 26 vjeç ishin ulur në një bar kafe në zonën e Astirit, pak para se të ekzekutoheshin. Mësohet se dy të rinjtë, pasi kanë dalë nga lokali, janë futur në parkingun ku kishin lënë mjetin e llojit “Audi” me ngjyrë të bardhë e me targa “AB 008 EM” dhe kanë dalë në rrugë kryesore.

LEXO EDHE  Apeli lë në fuqi dënimin për Shullazin dhe anëtarët e tjerë të grupit

Sapo kanë dalë në rrugë ata duket se janë ndjekur nga autorët që dyshohet se kanë qenë me një mjet tip honda.

Autorët kanë qëlluar me breshëri dhe më pas janë larguar në drejtim të ish- sheshit Shqiponja. Pak më vonë policia tha se kanë gjetur një makinë tip honda të djegur në Thumanë.

Dy viktimat janë personazhe të njohura në botën e krimit. Ata kanë qenë të arrestuar disa herë dhe më pas janë liruar nga drejtësia.