Një person u arrestua nga policia e Fierit për veprat penale “Shpërdorim i tokës”, “Ndërtimi i paligjshëm” dhe “Shkatërrimi i pronës me mjete të tjera”.
Efektivët kanë sekuestruar në cilësinë e provës materiale dy mjete gërmuese ekskavator dhe një kamion.
“Specialistët për Hetimin e Krimit Ekonomik e Financiar në DVP Fier, në vijim të punës për parandalimin dhe goditjen e krimeve mjedisore, si rezultat i kontrollit të territorit, arrestuan në flagrancë shtetasin S. T., 39 vjeç, banues në Fier. Ky shtetas është konstatuar nga shërbimet e Policisë, në kodrat e fshatit Zharrëz, Patos, duke gërmuar dhe shpërdoruar tokën për të ndërtuar në mënyrë të paligjshme, gjë që ka sjellë prishjen e strukturës së tokës. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme”, njoftoi policia.
