Një video tronditëse ku shihen dhjetëra persona duke u përleshur me hanxhar dhe një person që goditet nga një makinë është shfaqur në rrjetet sociale, teksa policia ka bërë thirrje për çdo informacion.
Në video, shumë njerëz mund të shihen duke bërtitur dhe vrapuar në mes të rrugës gjatë përleshjes në Bradford në orën 4:35 të mëngjesit të së dielës,7 nëntor.
Një makinë tenton të kalojë përmes personave të përfshirë në sherr, por një burrë qëndron në rrugë dhe duket se mban një thikë të madhe, thuhet se ishte një hanxhar.
Më vonë, një makinë e bardhë kalon me shpejtësi në të njëjtën rrugë dhe godet një person.
Videoja “shqetësuese” është shpërndarë në Twitter, ku është parë më shumë se 23,000 herë.
Në mbishkrim shkruhet: “Kjo ndodhi në Bradford gjatë përleshjes së fundjavës në rrugë.”
Një person komentoi: “Kjo është krejtësisht dëshpëruese.”
Dikush tjetër shtoi: “Nuk duhet të mbani hanxhar, asnjë simpati nga unë.”
Inspektori David Coller, i Policisë së Bradfordit tha: “Ne jemi të prirur të flasim me këdo që mund të jetë plagosur dhe ka informacion për ngjarjen në mënyrë që të na ndihmojë me hetimin tonë.”
https://twitter.com/i/status/1457811205792444418
