Dy persona janë vënë nën pranga në Elbasan për armëmbajtje pa leje dhe mos kallëzim të krimit.
Policia njofton se pas informacioneve të marra, shërbimet e policisë në Elbasan kanë ushtruar kontroll në ambientet e një lokali ku po qëndronin dy të rinjtë. Gjatë kontrollit të ushtruar ndaj shtetasve E. D. dhe E. C. Policia ka gjetur dhe sekuestruar në cilësinë e provës materiale një armë zjarri tip pistoletë, me fishekë.
Në vijim të veprimeve, specialistët për Hetimin e Krimeve në Komisariatin e Policisë Elbasan arrestuan në flagrancë shtetasit: E. D., 31 vjeç, banues në Librazhd, për veprën penale “Armëmbajtje pa leje” dhe E. C., 22 vjeç, banues në Librazhd, për veprën penale “Moskallëzimi i krimit”.
Materialet i kaluan Prokurorisë së Rrethit Gjyqësor Elbasan, për veprime të mëtejshme, njoftoi më tej policia.
