Ish-ministri dhe deputeti demokrat, Genc Pollo shprehet pro propozimeve për ndryshimet në Kodin e Familjes të dërguara në Kuvend nga Këshilli Ndërfetar i Shqipërisë.
“Propozimet e Këshillit Ndërfetar janë me vend e me bazë; ato duhen përkrahur nga PD e nga të tërë deputetët në Kuvend. Birësimi nuk është akt administrativ! Birësimi ka në thelb dinjitetin, shëndetin e mbarëvajtjen e fëmijës. P/ligji i qeverisë nuk i konsideronte këto tre parime”, shkruan Pollo në një reagim në rrjetet sociale.
“Edhe për pyetësorin skandaloz me Prindi 1 e 2 Qeveria/Bashkia hodhi gurin e fshehu dorën. Prandaj nuk e kundërshtoi në parim abrogimin e konceptit Nënë/Baba”, shton ai.
