Oerd Bylykbashi, deputet i PD, u shpreh sot në emisionin “Opinion” se asnjë burokrat partie nuk mund të zhbëjë demokratët, duke bërë deklarata nga më të ndryshmet.
Bylykbashi tha se mbledhja e Kuvendit Kombëtar të PD do të ndodhë më 11 dhjetor, sepse e kanë kërkuar 4200 delegatë të Kuvendit, mandatet e të cilëve mund të verifikohen vetëm nga Komisioni që do të ngrihet atë ditë.
“Nuk ka asnjë burokrat partie që mund të vrasë demokracinë. Duhet ta kuptoni se mandatet e deputetëve, sipas Kushtetutës, verifikohen në seancën e parë të Kuvendit nga vetë ky i fundit”, tha Bylykbashi, pavarësisht se mandatet i ka shpërndarë KQZ.
