Këngëtarja Morena Taraku është vënë në fokus të mediave turke. Kjo për faktin se po aludohet një lidhje e re e saj me këngëtarin e njohur turk, Berdan Mardini.
Sipas mediava turke, Taraku 28 vjeçe dhe Mardini, 43 vjeç janë fqinjë në një lagje të shtrenjtë në Stamboll ku thuhet se ka nisur lidhja e tyre prej kohësh.
Mardini ka qenë i martuar për më shumë se 10 vite me Fatos Yeller dhe në muajin mars të këtij viti është ndarë. Ai është gjithashtu baba i dy fëmijëve.
Lidhja mes këngëtares shqiptare dhe këngëtarit turk u zbulua pas festës së ditëlindjes së Mardinit, e cila thuhet se është organizua nga Morena.
“Ndjenjën e dashurisë e kam përjetuar vërtetë te Morena. Jam shumë i lumtur që jam me të dhe gjeta sërish jetën me të”- shkruhet se u ka thënë Berdan miqve të tij të ngushtë.
