Këshilli i Legjislacionit ka zhvilluar mbledhjen pa praninë e opozitës, ndërsa është diskutuar mbi propozimin e PS-së për zgjatjen e afateve të Organeve të Vetting.
I ftuar si ekspert, ish deputeti dhe akademiku, Arben Malaj është shprehur me rezerva në lidhje me procesin e Vettingut, duke thënë se është një nocion shqiptar që i asociohet si një syth Kushtetutës. Gjithashtu ai u pozicionua kundër ndryshimeve të shpeshta në Kushtetutën e një shteti edhe kur ato janë emergjente.
“Unë do të doja që më përpara të flisnin ekspertët e fushës ligjore, megjithatë ju falenderoj për ftesën. Ne ekspertët e ekonomisë ndahem i në dy grupe, në ekonomistë që bazohen te zhvillimi i sektorëve si bujqësia, turizmi, blegtoria apo degë të tjera dhe ekonomistë që e shikojnë zhvillimin e vendit te shteti ligjor. Përpjekje për të ndërhyrë në Kushtetutë shihet si vetëm një nismë e inicuar vetëm nga Partia Socialiste. Të dinim dhe argumentet dhe qëndrimin e opozitës. Do të ishte mirë që ne si akademikë të vinim pasi të ishin gjetur dhe pikat e përbashkëta me opozitën. E dyta e bazuar në eksperiencën si akademik dhe ligjvënës, më vjen keq të them se i gjithë kuadri i vetingut të jetë një syth i veçantë i Kushtetutës është një novacion shqiptar, pavarësisht që është kërkuar nga partnerët strategjikë të cilët unë i vlerësoj.
Por, mund të them se në librarinë time unë kam shumë Kushtetuta dhe nuk di një rast që të kenë ndërhyrë kaq shumë në Kushtetutë qoftë dhe për një gjë që është prioritare. Ne dimë se çdo shumicë a është 2/3 a është 3/5, a është 50 plus 1, nuk është garanci për funksionimin kushtetues të vendit. Garancia konkrete duhet të vijë nga ballafaqimi i Kushtetutës për ndarjen dhe balancave e pushteteve, ku një rol të rëndësishëm në këtë e luan Gjykata Kushtetuese
Unë dua të them rastin e Gjeorgjisë, ku qeveria përfshiu në kushtetutë faktin që vendi nuk do të kishte më ngritje taksash. Kjo garanci kushtetuese jo vetëm që nuk i shërbeu, por dëmtoi atë. E vetmja gjë ndodhi dhe në jetën tonë parlamentare, ku u ndryshua sistemi zgjedhor dhe ne sot jemi në kritikën e ndërkombëtare sepse ndryshimi në 2008 u fuqizua modeli oligarkik partiak. Nëse flasim për shumicat në vitin 2016 ishin 140 deputetë që gjetën mirëkuptimin të dekirminalizoheshin. Kjo pjesë e vetingut të dalë si syth i kushtetutës dhe t’i bashkohet drejtësisë”, tha Malaj.
