Në dy ditët e fundit, kreu demokrat Lulzim Basha, vendosi hapjen e procesit të zgjedhjeve për dy organizatat partnere të PD-së, FRPD dhe LDG, duke krijuar përplasje të reja mes mbështetësve të tij dhe pjesës tjetër në parti.
Në të dy rastet, vendimi i Bashë është kundërshtuar nga drejtuesit aktualë të këtyre organizatave, Belind Këlliçi dhe Albana Vokshi, që e kanë konsideruar si anti-statutor.
Kryetarja e LDG, Albana Vokshi e quajti vendimin e Bashës një sjellje të tillë shkelje totale të rregullave të funksionimit të një partie politike.
Pas reagimit të Vokshit ka qenë deputetja Orjola Pampuri e cila ka dalë në krah të Bashës duke e quajtur procesin normal dhe demokratik.
Por, ajo që tërheq vëmendjen përtej deklaratave mes dy deputeteve, është reagimi i dhjetra anëtarëve dhe simpatizantëve të PD-së, që akuzojnë dhe ironizojnë Lulzim Bashën. Madje, kreu demokrat krahasohet me personazhe komike të filmave të realizmit socialist, si Aleks Xinxa, që pohonte se ishte kryetari i Partisë Komuniste të Vërtetë.
Më poshtë mund të lexoni disa nga reagimet, që janë postuar në faqen e deputetes Pampuri, pasi kjo e fundit u shfaq në mbështetje të Bashës.
