Një person ka mbetur i vdekur pasi është goditur me thikë dhe një tjetër është plagosur rëndë në vazhdën e një sherri të ndodhur mes disa të rinjve në Elbasan, mbrëmjen e sotme.
I vdekur ka mbetur 28-vjeçari Florenc Kovaçi, ndërsa është plagosur 19-vjeçari Mikel Kovaçi, të dy vëllezër me njeri-tjetrin.
“Rreth orës 19:50, në lagjen ‘Qemal Stafa’, pas një konflikti për motive të dobëta mes dy vëllezërve dhe disa personave të tjerë, konflikti është përshkallzuar dhe për pasojë, dy vëllezërit janë plagosur me mjet prerës thikë. Si pasojë e plagëve të marra, njëri prej vëllezërve – Florenc Kovaçi, rreth 28 vjeç, ka ndërruar jetë. Ndërsa vëllai tjetër – Mikel Kovaçi, ndodhet në spital për ndihmë mjeksore”, njoftoi policia.
Shërbimet e policisë po krehin zonën me qëllim kapjen e autorëve, ndërsa grupi hetimor ndodhet në vendngjarje dhe po punon për identifikimin e autorit dhe sqarimin e rrethanave të ngjarjes, shtuan të njëjtat burime.
Burime policore thanë se sherri mes të rinjve dyshohet se ka nodhur “për një femër”, ndërsa viktima ka pasur probleme të shëndetit mendor.
Lexo edhe
