Një shkollë fillore u ka kërkuar djemve dhe vajzave të moshës tre vjeç që të hyjnë sot të veshur me funde për të ‘promovuar barazinë’. Por kërkesa nga Castleview Primary në Edinburg është kritikuar nga disa prindër.
Kjo pason një lëvizje të ngjashme në Spanjë, ku mësuesit dhe fëmijët kanë veshur funde për të treguar solidaritet me një djalë që u përjashtua pasi kishte veshur një të tillë vitin e kaluar. Një email drejtuar prindërve nga Castleview thoshte se donte që fëmijët të ishin ‘të rehatshëm’ duke veshur funde, ndërsa pantallonat mund t’i vishnin poshtë fundit nëse kanë dëshirë. Madje shkolla ofroi funde për fëmijët që nuk kanë dhe tha se edhe mësuesit mund të veshin funde.
Por një vendim i tillë i shkollës ka ngjallur revolta të shumta te prindërit të cilët kërkojnë që fëmijët e tyre të jenë fëmijë në mënyrën e tyre.
Djali im është pesë vjeç dhe sapo e mora këtë lajm nga shkolla! Lërini fëmijët të jenë fëmijë. Nëse një djalë dëshiron të veshë një fund në shkollë, ai duhet të lejohet, por pse të ushtrohet presion mbi njerëzit që t’i kërkojnë djalit të tyre të veshë një fund.
Shkolla tha se nxënësit u ndërgjegjësuan për fushatën spanjolle dhe se shkolla duhet të jetë gjithëpërfshirëse dhe të promovojë barazinë.
Burimi:dailymail
