Tensione dhe debat në Komisionin për Ekonominë dhe Financat, ku deputetja demokrate Jorida Tabaku ka debatuar me ministren Ibrahimaj dhe ish-ministren Denaj lidhur me shpenzimet për koncesionet.
Në fjalën e saj Tabaku vuri në dukje se buxheti i shtetit është i dedikuar për shpenzimet e PPP-ve, duke listuar disa prej koncesionet kryesore të qeverisë Rama.
Debati u acarua pikërisht kur Denaj, ndërsa po fliste për shpenzimet e koncesioneve, tha se janë parashikuar edhe 2 miliardë lekë për një kontratë të lidhur në kohën e qeverisjes së PD.
Debatet
Tabaku: U bë hera e disatë që i drejtoheni deputetëve me arrogancë. Për mua nuk ka problem, është etika juaj, por jemi të gjithë njësoj. E lexon mirë apo nuk lexon mirë! Cdo dokument të siguroj që e lexoj.
Ibrahimaj: Në radhë të parë nuk ka arrogancë në komunikim. Nuk duhet të shndërrojmë në këtë koncesion faktet. Fiskalizimi nuk është koncesion, ky është fakt. Dua të ritheksoj që qeveria është e kujdesshme në transparencë ndaj publikut. Lista e koncesioneve për transparencë publikohet. Tregon përgjegjshmërinë e qeverisë.
****
Denaj: Janë 13.8 mld lekë shpenzime në vit për koncesionet. 13% e të ardhurave faktike, por dua të ndaloj tek zërat, janë 13 koncensione nga të cilat në total 5 miliardë për infrastrukturë rrugore, ku 3 mld është Rruga e Arbrit, 4 mld për shëndetësi dhe 2 miliardë për shërbimin e skanimit, program i kohës suaj, ku pagesa bëhet pavarësisht nëse skanohet.
Ndërhyn Jorida Tabaku
Denaj: Mos u emociono kaq shumë kur flisni nuk ju ndërpresim kur vjen puna për një kontratë të kohës suaj…
Shalsi: Ta ndërpres mbledhjen dy minuta? Ndërpritet mbledhja
Spaho: Nëse doni të bëni debat…
Denaj: Jo unë nuk po bëj debat.
