Varfëria ka detyruar një baba afgan të shesë vajzën e tij 9-vjeçare te një 55-vjeçar.
Lajmi ka bërë xhiron e botës. Buzëqeshja dhe pafajësia e 9-vjeçares Paruana Mali u shuan përgjithmonë dhe sytë e saj, fjalët e saj në CNN, zbuluan se ajo jeton çdo ditë me makthin e abuzimit nga 55-vjeçari.
“Babi më shiti se nuk kishim bukë, oriz dhe miell”, u shpreh ajo e pikëlluar.
Deri në momentin e fundit 9-vjeçarja iu lut familjarëve të ndryshonin mendje pasi donte të vazhdonte shkollën dhe të bëhej mësuese. ediat e huaja shkruajne se pas ceremonisë për martesë me 55-vjeçarin që e kishte “blerë” për 2200 dollar, ai e shtyu drejt makinës së tij.
Që kur talebanët kanë ardhur në pushtet, histori të tilla po bëhen gjithnjë e më të shpeshta. Edhe pse martesa me fëmijët nën 15-vjeç është e ndaluar në vend, ky ligj tashmë është thyer veçanërisht në zonat e varfra e rurale.
