Gjykata e Tiranës vendosi masën e sigurisë arrest me burg për 27-vjeçarin, i cili akuzohet se ka dhunuar dhe abuzuar seksualisht me vajzën e tij të mitur.
Sipas raportimeve, para Gjykatës, i arrestuari ka pranuar dhunën ndaj vajzës, por jo se ka abuzuar seksualisht.
Në dëshminë e tij, ai ka thënë se e ka rrahur me thupër vajzën, pasi ajo e merrte në telefon të ëmën shumë shpesh që t’i shkonte në shtëpi. Sipas tij, kjo gjë e bezdiste, dhe prandaj e ka rrahur. Po ashtu ai ka thënë që e ka çuar vet në spital.
Vajza e mitur, vetëm 6 vjeçe, është dërguar fillimisht tek urgjenca e pediatrisë në QSUT, dhe më pas është transportuar drejt spitalit të Traumës.
