Hetimi për Bankers Petroleum Albania ka kaluar tashmë në dorë të SPAK, pasi Prokuroria e Fierit ka shpallur moskompetencë.
Ky vendim vjen pasi gjatë hetimeve kanë dalë të implikuar zyrtarë të lartë të shtetit, të cilët mund të hetohen vetëm nga Prokuroria Speciale.
Hetimi filloi më 2 korrik nga Prokuroria e Fierit, ku u ekzekutuan disa masa sigurie ndaj drejtuesve të kompanisë. Në mesin e personave të arrestuar ishin CEO aktual, Hongping Xiao, dhe ish-drejtuesi Leonidha Çobo.
Hetimet lidhen me deklarime të dyshimta tatimore dhe shmangie të detyrimeve financiare nga 2004–2024, duke shkaktuar dëm të konsiderueshëm financiar në buxhetin e shtetit.
Sipas Prokurorisë, Bankers ka realizuar shitje dhe eksporte nafte në vlerën totale prej 532 miliardë lekësh, por ka deklaruar humbje për çdo vit, me një total prej 11.7 miliardë lekësh, duke shmangur tatimin mbi fitimin dhe përfituar rimbursime të dyshimta të TVSH-së.
Masat e gjykatës aktualisht janë:
Arrest me burg: Leonidha Çobo, Hongping Xiao
Arrest në shtëpi: Lianyi Wang, Ardit Kero, Flavia Capo, Kledi Xhani
Detyrim paraqitje: Doina Goga
Detyrim paraqitje, revokohet ndalimi i udhëtimit jashtë vendit: Majlinda Thana, Matilda Ibraliu, Erton Ademaj
LEXO EDHE:
Skandali “Bankers”/ Hetimet në vendnumëro, miliarda euro të zhdukura dhe zyrtarë të pandëshkuar
