Mediat greke kanë publikuar foton e 21-vjeçari që përplasi për vdekje një 47-vjeçar që po shpërndante pica me motor. Mësohet se shqiptari identiteti i të cilit ende nuk është bërë i ditur nuk kishte patentë shoferi, pasi nuk dinte greqisht dhe nuk mundi t’i kalonte provimet.
Kujotjmë se aksidenti tragjik ka ndodhur në orët e para të së shtunës në lindje të Selanikut, pasi i riu ishte duke ecur me shpejtësi marramendëse dhe kishte kaluar me semafor të kuq. Edhe pse nuk kishte një patentë, ai shpeshherë drejtonte makinën sportive të regjistruar në emrin e xhaxhait të tij. 21-vjeçari zakonisht e ngiste atë ndërsa fqinjët e shihnin vazhdimisht të parkuar jashtë shtëpisë së tij.
