Nga Boldnews.al
Në muajin shkurt 2021, Qendra Spitalore Universitare Nënë Tereza, finalizoi një nga tenderët më të dyshimtë: procedurën 9 miliardë lekë për oksigjenin spitalor.
Por, pas vetem 8 muajsh, drejtori i QSUT-së, Enkelejd Joti, ka rihapur një tjetër procedurë për blerjen e oksigjenit spitalor. Hapja e këtij tenderi sjell të tjera dyshime. E para, a u ezauruan 9 miliardë lekë oksigjen? Kush e përdori këtë oksigjen?! Pas muajit shkurt 2021, rastet u ulën në minimum.
Ndërkohë, dyshimi i dytë mbetet firma fituese. Duke pasur një precedent me këto tendera, natyrisht që shumëkush mendon se fitues do të jetë e njëjta kompani.
A do e fitoi GTS-ja?! Koha do e tregojë dhe Boldnews.al do vijojë ta investigojë këtë procedurë, që sa ka filluar të “vijë erë”.
Sipas dokumenteve që disponon BoldNeës.al, Qendra Spitalore Nënë Tereza ka hapur procedurën “furnizim me oksigjen te lëngshëm mjekësor për nevojat e QSUNT”. Mësohet se fondi i këtij tenderi është 269,395,513 lekë pa TVSH, me TVSH rreth 1 milionë USD. Tenderi sapo është shpallur, ndërsa do të duhen disa javë që të finalizohët.
Në dokumente thuhet se procedura është “e hapur”, por koha e ka treguar se këto procedura janë shumë të mbyllura. Fakt është se në të gjitha procedurat e blerjes së oksigjenit spitalor nuk ka pasur garë. Në një procedurë tenderuese është futur e vetme GTS-ja e Nikut të përgjimeve të Ndrangheta-s dhe në procedura të tjera është futur vetëm Messer Albagaz.
Ndërkohë, tenderi i mëparshëm i QSUT-së ka ngritur shumë hije dyshimi, pasi “Niku” i GTS-së ka fituar mbi 9 miliardë lekë të vjetra për oksigjen mjekësor. Boldnews.al investigoi edhe këtë procedurë ku faktoi se GTS-ja, megjithëse kishte paraqitur një ofertë gati 100 përqind të fondit limit dhe rreth 700 milionë lekë të vjetra më të lartë se sa konkurrenti tjetër në garë.
