Bledi Kasmi, Kryeredaktor i RD, ka publikuar në rrjetet sociale një qëndrim të tijin lidhur me anëtarët dhe simpatizantët e PD-së, që i janë bashkuar Foltores së ish-Kryeministrit.
Në mënyrë të kujdesshme, Kasmi i është drejtuar me një mesazh atyre që në jo pak raste kanv ofenduar pjesëmarrësit në Foltore.
“Kini frikë nga njerëzit e lirë, despotë e mëkembës të regjimit. Nëse nuk u pëlqejnë mos i provokoni duke i ofenduar se ata shembin mure e regjime. Është koha e tyre!”, shkruan Bledi Kasmi.
Postimi nga Bledi Kasmi
“Këta janë të vertetë dhe nuk bëjnë sikur… Thirrjet e tyre sot janë gjëmim që ka zgjuar shoqerinë duke i bërë të shikojnë se ka dritë në këtë tunel të errësirës, dëshperimit, zhgënjimit, braktisjes dhe vrasjes së shpresës. Ata (te “Foltores”) janë njerëz të vertetë, pa grada e ofiqe.
Ndoshta të varfër, por dinjitozë dhe krenarë që janë njerëz të lirë. Kështu ishim edhe në Dhjetorin ‘90 dhe atëhere diktatura na quante “vandalë”.
Kini frikë nga njerëzit e lirë, despotë e mëkembës të regjimit. Nëse nuk u pëlqejnë mos i provokoni duke i ofenduar se ata shembin mure e regjime. Është koha e tyre!”, shkruan Bledi Kasmi.
