Deputeti i opozitës, Dashamir Shehi, u shpreh se i duhet vendosur një kufi Kryeministrit Edi Rama dhe kreut demokrat, Lulzim Basha, që kanë zaptuar sallën e Kuvendit.
“Nuk ka kuptim, nuk ka më vlerë, po zhvlerësohet kjo sallë, e cila është kthyer në pronë të dy vetëve. S´ka kuptim që ky debati pa fund mes Bashës dhe Ramës të zaptojë Kuvendin dhe ne të tjerët të rrimë të presim kur të mbarojnë të dy ato replikat”, tha Shehi.
Reagimi i deputetit erdhi pasi për rreth dy orë Kryeministri Edi Rama dhe kreu i PD-së, Lulzim Basha, zaptuan foltoren e Kuvendit, me replika e batuta mes tyre, dhe në fund u larguan nga Parlamenti, njëri pas tjetrit.
