Deputeti i PS-së Erion Braçe u shfaq i mërzitur nga debati mes Kryeministrit Edi Rama dhe kreut të PD, Lulzim Basha.
Braçe tha se askujt nuk i shërben ky personalizim i debatit, dhe se qytetarët duhet të shohin të reflektuara shqetësimet e tyre.
“Ky personalizim nuk i duhet shqiptarëve, ky personalizim prej 3 orësh vret parlamentarizmin. Po është e vërtetë që unë kam qenë zv/kryeministër, u kam shërbyer shqiptarëve. Ka vetëm një vetting që duhet bërë për politikanët, atë penal për ata që vrasin.
Nuk e kuptoj çfarë do të thotë vettingu në politikë, ky është vettingu, zoti Basha ke b…. për këtë vetting? Boll të dëgjuam sot tre orë, di shumë për ty, ashtu siç di dhe për procesin e rindërtimit ku kam qenë vetë i angazhuar me Fondin Shqiptar të Zhvillimit.
Askush nuk do borxh, borxhi nuk është tabu. Basha nuk mund të flasi për çmimet e shportës, pasi nuk ka bërë qoftë edhe njëherë të vetme pazar. Kam qenë 16 vite me të në një lagje, dhe nuk e kam parë njëherë të vetme që të bëj pazar, a e di Lulzim Basha se sa është çmimi i vajit, sa është çmimi i orizit.
Një njeri që ia bëjnë pazaret të tjerët, nuk mund ta dijë dhe ta ndjejë rritjen e çmimeve”, tha mes të tjerave Braçe në Kuvend.
