Deputeti demokrat Agron Gjekmarkaj ironizoi qeverinë për eurobondin nga foltorja e Kuvendit. Ai u kërkoi ministrave Arben Ahmetaj dhe Belinda Balluku që në thesin e babagjyshit të marrin ca para për t’i hedhur në Mirditë dhe Lezhë.
Gjekmarkaj foli dhe për helmimin në Krujë, duke u shprehur se uji i qytetit u helmua njëherë nga Sulltan Mehmeti e herën e dytë nga “Sulltan Salepi”.
“Në Lezhë më pyesin fol o trim, pyete kryeministrin. Pse e la në vetmi poetin Gjergj Fishta si të ishte kapterr i Bashkisë ës Ramës, Si të ishim pa qeveri. Partia më ka lënë detyrë të flas për eurobondin. Dhe unë nuk ia thyej zemrën partisë. Tabaku më shpjegoi se qenka borxh. Në fillim e mora me gëzim të madh. SA shumë lekë mendova, sa gjëra mund të bëhen. Më erdhi mend Torrovica pa ujë të pijshëm prej kaq shumë kohësh. Turistët në timon. Një tjetër për Shëngjin në Verë që të mos bëhet trafik pa fund. Në ishull Shëngjin një shkollë të re. Po i lutem Ballukut dhe Ahmetajt, me dorën në zemër kur të vijë babagjyshi me thesin, hidhni ca lekë mbi Mirditë dhe Lezhë, Mendova se pedagogëve do u rritet paga sa në Kosovë. Gojët e liga thonë se për 25 prillit se ndokush mendon se qeveria merr borxh për të vjedhur”, tha Gjekmarkaj.
“Për ndonjë shtëpi lart e poshtë. Janë të besës. E kanë me besë a besë. Ja pra si i ha qeveria paratë. Nuk po hy në shifra se nuk jam i shifrave. Si i ha dreqi lekët poshtë e përpjetë, në dorë të Ramës dhe Ahmetajt eurobondi do shkrihet si flokë dëbore. Të rrojmë dhe të kujtojmë. Një fjalë për Krujën. Dy herë u helmua uji. Një herë nga sulltan Mehmeti. Herën e dytë nga sulltan Salepi”, shtoi ai.
