“Koha e harxhuar me macen nuk është kurrë kohë e humbur. Unë e konsideroj kohë të harxhuar me efektivitet atë të harxhuar me ty”, iu drejtua Kryeministri Edi Rama, kreut të PD-së, gjatë debatit parlamentar.
Rama u shpreh se kostot maten me metra katrorë dhe jo me numra objektesh.
“Lulzim, mos e bëj si te Unaza e Re, kur kilometrat e rrugëve i trajtoje sikur po shkon po ble teritalet me metra. Unë s’kam punë fare me Partinë Demokratike Lulzim, përveç se kur ma kërkon ti.
Po ku i ke njerëzit o Lulzim, dil o Lulzim dhe takon e mblidh të paktën 50 demokratë. Ku e di ti o Lulzim se çfarë bëjnë njerëzit në sabah, ti je në gjumë?
Lulzim po tërkoj me qiri të të shoh ku je, por ti ke mbetur te ai kuadrati. Del këtu dhe na thua po lufton llumin, unë këtë fjalë se kam përdorur kurrë as për PD, por ti mos fol për llumin, se ti je pjellë e llumit, ti je llumi me xhelatinë.
Po unë ty dua të të kem përballë o Lulzim, po s’di si të të ndihmoj. Ti duhet të rilindësh o Lulzim, ne e dimë se ti duhet të rilindësh, na dëgjo, ki besim. Na flet ti për llum, që ai që ti e quan llum sot, të mësoi abetaren.
Çfarë po më thua për historitë e Bashkisë së Tiranës, por s’jam si ty që i gjurmoj njerëzit me emra. Lulzim të marrësh mikrofonin dhe përmend emrat, kjo bëhet vetëm kur vendos gjoba Lulzim”, tha Rama.
Në vijim të batutave, Rama i tha “thuaj ekspertëve të të bëjnë llogaritë mirë, sepse ti vetëm gropën e Hajdin Sejdisë ke mbushur, me atë mburresh, por ishallah e ke mësuar se ato dherat maten me metra kub”.
