Klubi i Vllaznisë ka marrë dhuratë nga FSHF rinovimin e fushës së “Reshit Rusit”. Në këtë fushë zhvillojnë stërvitje moshat e ekipit shkodran, ndërsa herë pas here përdoret edhe nga ekipi A. Tanimë bari ka mbërritur në Shkodër, aty ku janë duke u bërë punimet për shtrimin e tapetit.
Prej disa vitesh pa vënë dorë, klubi shkodran merr këtë dhuratë që do ndihmojë akademinë dhe të rinjtë. Veç një rinovimi të pjesshëm të fushës së “Loro Boriçit”, tanimë Vllaznia do ketë gati për disa ditë edhe fushën e re të “Reshit Rusit”, teksa pesidenti Xhaferi ka premtuar edhe një tjetër fushë me bar natyral për ekipin e parë.
Kujtojmë se shkodranët kanë pasur probleme me terrenet e stërvitjes, ndërsa punët janë në rrugë të mbarë. Veç Vllaznisë, FSHF po ju vjen në ndihmë edhe skuadrave të tjera të elitës me terrenet e stërvitjes.
