Kur do të mblidhet Kuvendi Kombëtar i PD? Ja ç´thotë një nga mbështetësit e Foltores

Foto nga Fb i ish-kryeministrit Sali Berisha

Ish nënkryetari i FRPD-së, Lisandër Hoxha, një prej mbështetësve të Foltores së ish-Kryeministrit Sali Berisha, shprehet se Kuvendi Kombëtar i PD do të mblidhet brenda vitit dhe do të shkarkojë Lulzim Bashën si kreun e kësaj partie.

Sipas Lisandër Hoxhës, Kuvendi Kombëtar nuk mund të ndalet nga Basha, pasi Kuvendi është organ më i lartë se Basha, i cili mund të vendose madje dhe ta shkarkojë Bashën apo ta shkrijë fare partinë.

“Kuvendi mund të ç’rregjistrojë PD-në, mund t’i ndërrojë emrin PD-së, të bashkojë PD-në me një parti tjetër, të shkarkojë kryetarin. Janë zgjedhur me parimin një anëtar, një vote.

Janë vendimammarrja e partisë. Kanë shprehur në masën mbi 65% për tu mbledhur. Në kushte anormale ky Kuvend mblidhet me anë të mbledhjes së firmave. Edhe sikur të heqë dorë Berisha nga mbledhja, përsëri Kuvendi mblidhet. 65% e bazës së partisë është kundër Bashës. Firmat janë gati, po mblidhen akoma më shumë firma. Kuvendi Kombëtar do të mblidhet brenda këtij viti. Do shkarkojë Lulzim Bashën. Më pas në zbatim të rregullave do zgjedhim kryetarin e ri. Nga dorezimi i firmave duhet pritur 30 dite per te thirrur kuvendin. Ne i kemi firmat. Gjykoj se pas Foltores se Lezhës do dorëzohen firmat“, deklaroi Hoxha për Faxnews.

LEXO EDHE  PD Elbasan publikon emrat e delegatëve që kanë firmosur për Kuvendin e 11 Dhjetorit

Për sa i përket kandidimit të Berishës, Lisandër Hoxha u shpreh se është votuesi ai që vendos.

“Të pyeten demokratët nëse e votëbesojnë do të jetë kryetar. Po edhe çfraë që është shpallur non-grata? 20 vite ka qenë kryeministër Papandreu dhe nuk shkonte ne Amerikë. Çështjen e vet me Amerikën zotëria nuk e transferon në parti. Është hera ë parë në botë që një person shpallet non-grata pa asnjë proces në vendin e tij. Nesër ndryshohet administrata dhe shpallet qytetar nderi. Apo themi ky është i korruptuar se ka qenë në pushte. Keshtu i bie të flasim si Luli”, tha ai.