Kategoria Superiore mbylli dje javën e gjashtë me sfidën Tirana 1-0 Partizani. Një gol i Vesel Limaj nga pika e penalltisë vendosi gjithçka, teksa në stadium ishin mbi 12 mijë tifozë. Air Albania u kthye në një arenë feste, teksa nuk munguan edhe sendet e forta, flakadanët apo stolat në fushë.
Pritet që FSHF të veprojë me dorë të hekurt ndaj dy klubeve, nisur nga sjellja e tifozëve. Gjoba do jetë e konsiderueshme, teksa FSHF ka “prerë faturën” nisur edhe nga relacionet e zyrtarëve të sfidës.
Kujtojmë se në këtë duel kishte edhe vëzhgues nga UEFA për sjelljen e tifozëve, pas shisheve të hedhura në fushë në takimin Shqipëri – Poloni. Gjithçka vjen në vazhdën e përgatitjeve për finalen e Conference League, që do zhvillohet majin që vjen në Tiranë.
