Një 56-vjeçar nga Prizreni u arrestua nga policia shqiptare në Morinë për llogari të drejtësisë gjermane.
“Në pranga ka rënë N. H. Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga Interpol Wiesbaden Gjermani, pasi Gjykata e Rrethit Gjyqësor Schwennigen Gjermani, ka lëshuar ndaj tij urdhër-arrestin për veprën penale ‘Trafikim i narkotikëve’, parashikuar nga legjislacioni penal i Gjermanisë”, njoftoi policia.
Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin e tij drejt Gjermanisë, shtuan të njëjtat burime.
